【梵高的自畫像】


今日又考考大家:大家可能聽過梵高有自畫像,不過又知唔知佢其實畫過幾多幅呢?比啲貼士大家,數字唔細架!

梵高係個著名荷蘭畫家,不過佢並唔係一開始就平步青雲,仲一度比精神病折磨,癲到割左自己隻耳仔!

其實佢一生一共畫過四十幅自畫像。你無聽錯,真係四年間畫左40張!有幾張1887年畫既佢係畫中係帶住草帽嘅,有幾張同年既作品係用點彩畫法,仲有割左耳仔之後嘅樣......不同時期的自畫像反映梵高不同時期嘅精神狀態同畫法改變。

🎨而圖中呢張就係用左點彩畫法,現時收藏係芝加哥嘅美術館入面!



©2019 by Lita-Arti. Image copyright reserved.