【中國現代行為藝術:我向鏡中的自己開了一槍🔫】

有上過 protest art 嘅同學仔可能會知道,行為藝術好多都有諷刺時弊嘅意義。今日同大家講講極權下嘅中國第一位女性行為藝術家—肖魯。

肖魯係1989年做左一件頗為大膽瘋狂嘅行為藝術。佢製造左一個實驗裝置品, 入面有一塊長形鏡,旁邊有兩個電話亭,入面有兩個通話中嘅人嘅背影。展出開始之後,佢隨即攞起槍,企係鏡前,對著自己的模樣面無表情咁開左兩槍。

觀眾隨即嚇到後退左幾米,更加逃離美術館。由於大家都無意料到會有槍出現,展方決定嗰日閉館一天。肖魯之後亦被捕入獄。 《對話》呢件作品靈感來自於肖魯當時嘅男朋友。由於情已逝,即使兩個人係電話入面不斷對話,內容都好似永遠無法將兩個人再連埋一齊。佢將開槍呢個行為同極端悲傷嘅情緒融合,將兩者嘅暴力性巧妙串聯,仿佛越暴力就越擁有話語霸權。

反思今日嘅香港,到底是不是越有權力(暴力行使者)的人説的話就越有份量,越是正確呢?

呢排肖魯來到香港,舉辦佢喺香港嘅第一個個人展覽,同10號贊善里畫廊合策嘅《傾斜》!想瞭解但參透唔到?咁你就要多留意我地Lita-Arti嚟緊嘅活動啦!







©2019 by Lita-Arti. Image copyright reserved.